Gaur goizean bildu da Erasoen aurkako mahaia, atzo gauean gertatutako hilketa saiakera eta azken egunotan salatutako ukitze bi kasuak errefusatzeko Udalak herritarrak animatu ditu biharko kontzentrazioan parte hartzera, Bide Onera programan, hiriak eraso matxistak ez dituela onartzen erakusteko
Barakaldoko Udalak Erasoen aurkako Mahaia deitu du gaur goizean, goizaldean hirian gertatutako hilketa-saiakera gaitzesteko, bai eta azken egunetan ezagutu diren beste sexu-eraso batzuk ere. Jarrera matxista horiek gaitzesteko, Barakaldo uztailaren 25ean kontzentratuko da, 18: 00etan, Bide Onera kalean.
Ertzaintzak 40 urteko gizon bat atxilotu du gaur goizaldean, ustezko hilketa-delitu bat egotzita, bikotekide ohiari labanaz eraso egin baitio. Erasoen aurkako Mahaiak, gaur goizean Barakaldoko Udalean bilduta, gertaera hori gaitzetsi du, bai eta azken egunetan bi emakume barakaldarrek salatutako beste bi ukipen-kasu ere. Gainera, Ertzaintzak jakinarazi du lau pertsona atxilotu dituztela eta beste hiru ikertu dituztela prostituzio-kasu batengatik, eta Erasoen aurkako Mahaian ere kondenatu dutela.
Hiriko elkarte feministek, emakume-taldeek, LGTBIQ+ kolektiboak, Udaltzaingoak-Ertzantzak, Emakume Arloko Berdintasun Ataleko teknikariak eta udaleko alderdi politikoek osatzen dute Erasoen aurkako Mahaia. Kasu honetan, Erantzun Publikoaren Protokoloari jarraituz, udal-langileei dei egingo zaie datorren astelehenean, 12:00etan, Herriko Plazan kontzentratzeko, eta puntu lila duen pankarta Udaleko balkoi korrituan jarriko da.Gainera, Udalak bat egingo du bihar, larunbata, hilak 25, Herriko Plazan egingo den mugimendu feministaren kontzentrazioarekin, eta herritar guztiak gonbidatuko ditu gaitzespen-ekitaldi honetara, argi uzteko Barakaldok ez dituela emakumeen aurkako erasoak onartzen.
Indarkeria matxista jasaten duten emakumeei laguntzeko telefonoak:
- Berdintasunaren Ministerioa: 016
- Emakume Arloa: 010 ¿ 944 78 94 35
- Udaltzaingoa 944 38 01 00
