2022ko urtarriletik abendura, 5.447 arau-hauste penal erregistratu ziren Barakaldon, hau da, % 12,6ko igoera aurreko urtearekin alderatuta, Barne Ministerioak argitaratutako datu ofizialen arabera. Datu horien artean daude polizia-kidego guztien jarduketak: Udaltzaingo, Ertzaintza, Guardia Zibil, Polizia Nazional eta abarrenak.
Igoera hori EAEko beste udalerri batzuetakoa baino nabarmen txikiagoa bada ere (ehunekotan, Bilbon baino erdia – bertan, igoera % 25,5ekoa da – eta Euskadiko batez bestekoa baino 8,4 puntu txikiagoa), Herritarren Segurtasuna eta Babes Zibila arloko zinegotzi Ángel Madrazok ez dio garrantzirik kendu nahi izan. Madrazok dionez,»udalerrian delitu bakarra ere kezkagarria da».
Zinegotziak gogorarazi du Udaltzaingoak 31 plaza huts dituela gaur egun, eta plantilla handitu beharra dagoela, orain arte eskatu den bezala, Udaltzaingoaren presentzia ziurtatzeko auzo guztietan.
Zinegotziak, bestalde, Herritarren Segurtasuna eta Babes Zibila arloak agenteak baliabide materialez hornitzeko egindako ahalegina – ibilgailuak, babes-ekipamenduak…- baloratu du. Guztira, 2,91 milioi euro bideratu dira arloko aurrekontu arruntetik kanpo.
Tipologiaren arabera, iaz hazi egin ziren, bereziki, droga-trafikoarekin lotutako delituak (2021ean baino % 57.1 gehiago) eta liskar istilutsuekin eta lesioekin lotutakoak (% 41), baina gorakada esanguratsuak izan ziren, halaber, indarkeria edo larderia bidezko lapurretetan (% 33,9), ebasketetan (% 20) eta ziberdelituetan (% 15,3).
Herritarren Segurtasuna eta Babes Zibila arloko zinegotziak gogorarazi du, gainera, Udaltzaingoaren eta bizilagunen beraien jardunari esker, delitu ugari egitea saihestu dela. «Adibidez, bizilagunen lankidetzari esker, lonja asko okupatzea saihestu da. Prebentzio-neurri batzuk hartuta eta Poliziari azkar deituta arau-hauste penalak ere murriztea lortu genuen», azpimarratu du Madrazok.
| KRIMINALITATE DATUAK BARAKALDON Aldaketa
2021/2022 |
Arau-hauste penalak 2022 |
|||
| I. OHIKO KRIMINALITATEA |
12,1 |
4.582 |
||
| 1. Dolozko giza hilketak eta hilketa burutuak |
100,0 |
2 |
||
| 2. Dolozko hilketak eta erailketak, saiakuntza-graduan |
0,0 |
3 |
||
| 3. Lesio eta liskar istilutsuen delitu larriak eta ez hain larriak |
41,0 |
55 |
||
| 4. Bahiketa |
0,0 |
0 |
||
| 5. Sexu-askatasunaren aurkako delituak: |
-16,7 |
35 |
||
| 5.1.- Sexu-erasoa penetrazio eta guzti |
-63,6 |
4 |
||
| 5.2. – Sexu-askatasunaren aurkako gainerako delituak: |
0,0 |
31 |
||
| 6. Indarkeriaz eta larderiaz egindako lapurretak |
33,9 |
146 |
||
| 7. Etxebizitzetan, establezimenduetan eta beste instalazio batzuetan indarra erabiliz egindako lapurretak |
-33,8 |
327 |
||
| 7.1.- Indarra erabiliz etxeetan egindako lapurretak |
-30,7 |
233 |
||
| 8. Ebasketak |
20,0 |
1.639 |
||
| 9. Ibilgailuak ostea |
3,8 |
54 |
||
| 10. Droga-trafikoa |
57,1 |
22 |
||
| 11. Gainerako ohiko kriminalitatea |
16,9 |
2.299 |
||
| II. ZIBERKRIMINALITATEA (zibenetikaren bidez egindako arau-hauste penalak) |
15,3 |
865 |
||
| 12.- Estafa informatikoak |
12,9 |
770 |
||
| 14.- Bestelako ziberdelituak |
39,7 |
95 |
||
| III. ARA-HAUSSTE PENALAK GUZTIRA |
12,6 |
5.447 |
||
