- Iñigo Urkulluk amaiera eman dio Laneko Segurtasun eta Osasunari buruzko Nazioarteko V. Kongresuari
Iñigo Urkullu Lehendakariak, Idoia Mendia Lehendakariorde eta Lan eta Enplegu sailburuak lagunduta, Laneko Segurtasun eta Osasunari buruzko Nazioarteko V. Biltzarrari itxiera eman dio. Bertan nabarmendu duenez, osasuna eskubide bat da, eta lan-gaixotasun bakoitza, istripu bakoitza eta, batez ere, heriotza bakoitza porrot gisa sentitzen da. Hori dela eta, Urkulluren arabera, etengabeko hobekuntza da bere maximoa. “Maximoa kasu bakoitza ikertzea da, ondorioak ateratzen saiatuz; kausak aztertzen ditu, zergatiak, enpresek, langileek segurtasuna eta osasuna hobetuko dituzten erabakiak, jarraibideak eta portaerak har ditzaten; lanaren kalitatea hobetu dezaten”, gaineratu du.
Bere hitzaldian, Urkullu lehendakariak adierazi du euskal gizartea oso kontziente dela laneko segurtasunaren garrantziaz, eta nabarmendu du, urteetako ikaskuntzaren ondoren, gaur egun esan daitekeela errealitate hori gure bizitzan eta erantzukizunean txertatu dela. “Zalantzarik gabe, horri esker, lanpostuetan istripuak edo heriotzak saihestu ahal izan ditugu”, adierazi du. Ildo horretan, OSALANen lana azpimarratu du, prozesu hori egituratzen, kontzientziatzen eta gidatzen jakin duelako, eta hari nagusia izan delako laneko segurtasunaren eta osasunaren aldeko borrokan.
Bestetik, Lehendakariak esan du osasunerako eskubidea lehiakortasunerako aukera bat dela enpresentzat, “ ongizatean inbertitzea, pertsonen inplikazioa eta parte-hartzea hobetzeko enpresa-proiektu bakoitzean”.
Apirilaren 24an eta 25ean, Bilboko Euskalduna Jauregian ospatu dan biltzarra elkargune bat izan da, laneko segurtasunaren eta osasunaren gaineko ezagutzan aurrera egiteko eta laneko arriskuen prebentzioa hobetzea xede duten esperientziak partekatzeko. Izan ere, lan-munduan gertatzen ari diren berritasun guztiak direla eta, inoiz baino beharrezkoagoak dira helburu horiek.
