Deustuko Unibertsitatea bigarren urtez jarraian saritu du Global Entrepreneurship NetworkEspaña-k, Global Entrepreneurship Week 2022ren urteko enbaxadore aintzatespenarekin. Sari gisa, Deusto Ekintzaile, Deusto Ekintzaile Astea 2022 Astea gidatu zuen Berrikuntza eta Ekintzailetza Unitatea, irailaren 19tik 22ra Melbournen (Australia) egingo den Global Entrepreneurship Congress 2023 ekitaldira joango da.
Topaketa hau ekitaldi dinamikoa da, eta mundu osoko ekintzailetzako ekosistema eta ekonomietan funtsezkoak diren eragileak biltzen eta inspiratzen ditu. Kongresuaren helburua da ekintzailetza ekosistema bultzatzea, edozein pertsonak izan dezan aukera, edonon, enplegua sortu eta garapen ekonomiko eta soziala sustatzen duten enpresak sortzen hasteko eta laguntzeko.
Deusto Ekintzaile Astea
Hamarkada batez baino gehiagoz, Deustuko Unibertsitatea Ekintzailetzaren Aste Globalari atxiki zaio, azaroaren 14tik 18ra, Kauffman Ekintzailetzaren Fundazioak sustatua, Bilboko eta Donostiako campusetan Deusto Ekintzaile Astearekin.
Mundu mailan, 2022an, 180 herrialde baino gehiagotan ospatu zen Global Entrepreneurship Week. Ekintzailetzarekin konprometitutako 20.000 erakundek baino gehiagok 40.000 ekitaldi baino gehiago antolatu zituzten, eta hamar milioi pertsonak baino gehiagok hartu zuten parte.
Unibertsitateak Global Entrepreneurship Week Euskadiko enbaxadorearen rola ere hartu zuen aurreko edizioan, eta beste behin ere saritu dute, ekitaldiak sustatzeko dinamismoagatik eta enbaxadore rola bete zuten erakunde guztien artean lehen postuan egoteagatik.
