Euskal Herriko Unibertsitateko Zientzia eta Gizarte Garapenaren eta Transferentziaren arloko Errektoreordetzak nazioarteko topaketa bat egiten ari da aste honetan Carlos Santamaria Zentroan, Donostian, TETRIS -Technology Transfer Innovation Schemes in Latin America europar proiektua ardatz hartuta, Europar Batasuneko Erasmus+ programaren barruan.
Ekitaldi horretan, Latinoamerikako unibertsitateetako (Bolivia, Kolonbia, Costa Rica, Ekuador, Panama) teknologiaren eta ezagutzaren transferentziaren arloko zenbait ordezkari bildu dira Universidad del País Vasco/Euskal Herriko Unibertsitatearekin, UPV/EHUk sustatutako Teknologiaren eta Ezagutzaren Transferentziarako Bulegoak ezartzeari eta hobetzeari buruzko proiektu pilotu bat gauzatzeko.
Unibertsitate ereduak erakunde ireki baterantz ari dira aurrera egiten, non eragile askok elkarri eragiten baitiote maila desberdinetan. Eskualde lankidetza eta gizarte konpromisoa lehentasunezko gaiak dira, eta jakintza modu interaktibo eta dinamikoan sortzen eta transferitzen da gizartera. Ezagutzaren transferentziari unibertsitateen «hirugarren misioa» irizten zaio. Ezagutzaren transferentzia, irakaskuntza eta ikerkuntza dira unibertsitatearen hiru misioak, ezagutza gorde, sortu, aplikatu eta zabaldu ahal izateko. TETRIS proiektuaren helburua da unibertsitate bazkideen «hirugarren misioaren» instituzionalizazio maila hobetzea. Erakunde mailako berrikuntza eskemak garatzeak unibertsitatearen eta industriaren arteko aliantzak erraztu eta bultzatuko ditu. Unibertsitateak ezinbesteko partaideak dira berrikuntza inguruneetan, eta ahalegin sistematikoagoak behar dira aurkikuntza akademikoen barruan dagoen balio komertziala eta soziala desblokeatzeko.
Gipuzkoako Campusean egiten ari den bilera horren pilotua, eta hauek dira eta espero diren emaitzak eta helburua: Ikerketaren Emaitzak Transferitzeko Bulego (IETB) bat kudeatzeko legezko tresnak, prozesuak eta tresnak diseinatzea.
Teknologiaren transferentziak bitartekari lana egiten du, bai unibertsitatearen barruan, bai unibertsitatearen eta haren ingurune sozioekonomikoaren artean. Teknologia eta ezagutza transferitzeko jarduerek, definizioz, ikerketaren emaitzak erabiltzen dituzte; hala ere, ikerketa jarduerak ere hasten dituzte, kontratatutako eta emandako ikerketa kudeatzen dute eta merkaturatzean lan egiten dute (patenteak, lizentziak, abian jartzea, spin-offak).
Proiektuaren emaitza orokorra teknologia instituzionalizatua transferitzeko berrikuntza eskema bat da, funtsezko gaitasun eta trebetasunen maila hobetuko duena, unibertsitatearen eta industriaren arteko lankidetza indartuko duena eta eskualde mailan aplikatzeko erreferentzia eredu gisa balioko duena.
