Europako fabrikazioaren eraldaketa ekologiko, zirkular eta digitalak datuetan oinarritutako prozesu berritzaileak integratzea eskatzen du. Sektoreko enpresei erronka horretan laguntzeko, RE4DYk, ‘Datuak produktu gisa’ erabiltzearen kontzeptu berritzailea proposatzen du.
Proiektu honen helburura “jarraitutasun digitala aplikatzea da hari digitalen, datu-espazioen, biki digitalen eta adimen artifizialeko kanalen lan-fluxuen, ikaskuntza automatikoaren eta datuen bidez”, azaldu dute proiektuaren arduradunek.
Europako manufaktura-industriak bigarren mailan utzi behar ditu datuen eskuzko eragiketak; datuen ingeniaritzako teknologiari, horien kudeaketaren autonomiari eta adimen artifizialaren eta biki digitaletan oinarritutako eredu birtualen integrazioari bide eman behar zaie. Horrenbestez, RE4DYren xedea da, konpainiekin batera, fabrikazioaren erresilientzia aktiboko estrategia bakarrak eta hornidura-sarea eraikitzea. “Estrategia horiek datuetan oinarrituta egon behar dute lehiakortasun-abantailak mantentzeko, jarraitutasun digitalaren eta datu-espazio subiranoen bidez, produktuaren bizi-zikloaren eta prozesuaren fase guztietan”, zehazten dute. Aldi berean, lan hori egiteko ‘DFA Zero-X manufacturing connected smart Factory 4.0’ ereduan oinarritu direla adierazi dute.
4.0 industrian erreferenteak diren erakunde eta enpresek bultzatutako proiektu honen helburu nagusien artean, konektatutako fabriketan produktu digital adimendunentzako eta balio produktiboko ekosistementzako esparru bat ezartzea dago. Gainera, datuen, big dataren eta biki digitalen autonomia eta elkarreragingarritasuna handitzea bilatzen du. Helburu horiei gehitu behar zaie “4.0 Zero-X fabrikazio adimenduna fabrika konektatuan adimen integratua ezartzeko kostuak azkartzea eta murriztea”.
Europako funtsekin finantzatutako RE4DYren partner nagusia Innovalia Elkartea da, enpresa txiki eta ertainetan berrikuntza teknologikoa sustatzen duen I+G pribatuko enpresa-unitatea. Talentua, konpetentziak eta baliabideak batzen dituen enpresa multzo batez osatuta, Innovalia erreferentziazko erakundea da gaitasun teknologiko aurreratuak, oso espezializatuak eta nazioz gaindiko lankidetza-dimentsioarekin eskatzen dituzten ETEentzat.
info+: RE4DY.eu
