Ordezkaritza 9 pertsonak osatu dute, gehienak Esloveniako toki administrazioetako ordezkariak. Ordezkarietako bat Europako sare bateko ordezkaria da, European Social Network sarekoa.
Bileran, Lide Amilibia sailburuordeak nabarmendu duenez, «Euskal Autonomia Erkidegoak autonomia handia du Europar Batasunean gizarte-politika propio eta aurreratuak garatzeko. Eskubide Sozialen Europako Zutabearen aldeko apustua irmoa da. Bruselatik sortzen diren politika eta zuzentarauekin bat gatoz «azpimarratu du Amilibiak.
Gizarte Politiketako sailburuordearen arabera, «gure autonomia politikoari esker, ekimen eta ekintza asko sustatzen ditugu, betiere Europako Batzordeak ezarritako ildotik. Guztion artean egiten ari garen Europa berri horrek oinarri bat izan behar du: garrantzitsuena pertsonak direla. Denok bat gatoz horrekin «.
Erkidego barruko merkataritzak Esloveniako esportazioen % 67 hartzen du (Alemania % 17, Italia % 9 eta Kroazia % 7), eta inportazioei dagokienez, % 59 EBko herrialdeetatik dator (Alemania % 14, Italia % 10 eta Austria % 8).
