Zehazki Biosistemak (lehen Kronikgune) gidatzen duen VOICE proiektuaren helburua Balioan Oinarritutako Medikuntzaren eredua ezartzea da bularreko minbizia eta biriketako minbizia duten pazienteentzat. Euskadin du bere lidergoa, eta Europako hamar ospitalek parte hartzen dute bertan.
Pazientearen arreta hobetzeko proiektua eragin handiko ekimenen zerrendan sartu du VBHC Prize 2023, Value Based Health Care Center Europe nazioarteko erakunde ospetsuak emandako aintzatespena.
Balioan Oinarritutako Medikuntzaren helburua da pazientea asistentzia-prozesu baten erdigunean jartzea, ebidentzia zientifikotik, emaitza klinikoetatik eta norberaren bizi-itxaropenetatik abiatuta, pazienteak ahalduntzeko eta, horrela, erabaki partekatuak hartzeko.
Zehazki, Euskaditik gidatutako VOICE europar komunitatearen lanak Europako hamar ospitaleren partaidetza du (horien artean, Frantzia, Italia, Portugal eta Belgika, Espainiako Estatuaz gain).
Ohiko asistentzia-praktikan bularreko minbizia eta biriketako minbizia duten pazienteen balioan oinarritutako medikuntza-eredu hori ezartzea du helburu, paziente-talde horren osasun-laguntza eta arreta hobetzeko.
